Nynorsk
Då det vart kjend at Jon Fosse er tildelt Nobelprisen i litteratur 2023, konstaterte forfattaren at prisutdelinga må sjåast som ein pris til nynorsken og til den nynorske målreisinga. «– Anten eg vil eller ei, må eg i sannings namn takka nynorsken for prisen.»
Nynorsk og bokmål er jamstilte målformer i Noreg, og det har dei to skriftspråka vore sidan 1885. Etter mange år under dansk styre og med dansk som einaste skriftspråk i Noreg voks nye språklege idear fram frå midten av 1800-talet. Det språklege treet som blei planta den gongen, ber stadig frukter. Som mindretalsspråk i landet vårt krev nynorsken av og til litt ekstra pleie.